REFERENCA DOKUMENTO
POR LA INTERNACIA KONKURSO
“HANOJO- VIA RENDEVUEJO’ – 2008

Kelkaj famaj historiaj kaj kulturaj monumentoj de Hanojo
Restas nur tri jaroj antaŭ ke la ĉefurbo Hanojo kaj la tuta lando solene festos la miljaran jubileon de Thang Long. El la ĉefurboj de preskaŭ 200 landoj en la mondo, raraj estas tiuj, kiuj havas tiel miljaran historian dimension, kiel nia Hanojo.
Tra sia longjara historio, Hanojo distingiĝis per belaj kulturaj tradicioj de ĉefurbo, kristaliĝo de la naciaj kulturaj valoroj. En la nuna enurba centro troviĝas nacie kaj internacie famega historia vestiĝo ligita kun distingiĝa legendo: temas pri la Lago de la Glavo. La legendo rakontas, ke kolektante siajn trupojn en Lam Son bazo (Thanh Hoa provinco) por kombati kontraŭ la Ming superregantoj, reĝo Le trovis iun glavon. Tiu armilo sekvis lin laŭlonge de dekjara milito kiu finiĝis per sukcesa forpelado de la invadintojn kaj rekonkero de sendependeco. Li sin proklamis reĝo kaj fiksis la ĉefurbon en Hanojo, tiam nomita Thang Long. Iun tagon, promenante ĉe Luc Thuy Lago, aperis Ora Testudo. La reĝo elingigis la glavon kiun li celdirektis testuden. La testudo tuj kaptis la glavon en sia buŝo kaj profunde subakviĝis. Verŝajne, la Ĉielo pruntedonis la glavon al la reĝo por kombati kontraŭ la invadintoj; nun kiam ili estis forpelitaj, li devas redoni ĝin al la Ĉielo, kies sendinto estis la Ora testudo mem. Pro tio, la reĝo rebaptis la lagon Hoan Kiem, la Lago de Redonita Glavo. Tiu legendo estas ligita kun la aspiro kaj la emo al paco de la vjetnama popolo: Kiam la invadintoj alvenas, la tuta nacio leviĝas, armiĝas por kombati; kiam la invadintoj estis forpelitaj, oni flanke lasas la armilojn por prizorgi pri produkatado kaj perlaborado de siaj vivrimedoj, por konstrui la landon en daŭra paco. La Lago de la Redonita Lago (Hoàn Kiếm), alinome Glavo Lago (Gươm), staras kiel evidenta pacama pruvatesto de la vjetnama popolo.

Ekde la komenco, tra la tuta historio de defendo kaj konstruado de sia lando, aperis multe da klarvidaj reĝoj kiuj gvidis la popolon en la kombato kontraŭ la invadintoj kaj en la konstruado de la lando. Por memorigi la admiregindajn agojn de la reĝoj, kiuj sin fordonis por la nacio, Hanojo jam starigis statuojn de kelkaj el ili. Sed la plej rimarkinda statuo estas tiu, kiu estis starigita en oktobro 2004 honore al reĝo Ly Thai To (Ly Cong Uan), la fondinto de la ĉefurbo Thang Long 10 jarcentojn (en 1010) antaŭe, en parko kun sama nomo. Tiu parko situas ĉe la orienta flanko de la Glavo Lago kaj ekzistas de 1884. Tie troviĝis la statuo de Paul Bert, starigita de la francoj por memori la unuan francan Ĝeneralan Rezidenton kiu mortis en Hanojo en 1886. Pro tio, la parko estis nomita Parko Paul Bert. Post la japana puĉo en marto 1945, la parko estis rebaptita Parko Chi Linh. En 1984, por streĉigi la amikecon inter la vjetnama kaj la barata popoloj, la parko estis renomita Parko Indira Gandhi, laŭ la nomo de la ĵus murdita barata ina ĉefministro. Dudek jarojn poste, la statuo de Ly Thai To estis starigita tie, kaj la parko ankoraŭfoje ŝanĝis sian nomon en Parkon Ly Thai To.
En multaj landoj en la mondo, estas gvidantoj kiuj estas honoritaj ne nur de la popolo, sed ankaŭ de multaj internaciaj organizoj. Speciale en Vjetnamio, la gvidanto honorita de UNESKO kiel monda kultura famulo estas Prezidento Ho Chi Minh. Je la 2-a de septembro 1969 post lia forpaso, la Partio, la Ŝtato kaj la popolo ege bedaŭris la amatan gvidanton kaj responde al la aspiro de la tuta nacio, la Partio decidis konservi en bona stato lian korpon por ke la sinsekvaj generacioj de vjetnamoj povu viziti kaj venere omaĝi la respektindan patron de l’nacio. La monumento dediĉita al lia memoro estas la Ho Chi Minh Maŭzoleo ĉe Ba Dinh-placo en Hanojo.
Je la 17a de julio 1999, laŭ decido de la Organizaĵo de la Unuiĝintaj Nacioj por Edukado, Scienco kaj Kulturo (UNESKO) Hanojo ricevis la premion “Urbo por Paco”. Temas pri premio de UNESKO aljuĝita po 2 jaroj ĉiufoje al 5 tipaj urboj el 5 regionoj de la mondo. En 1999, la regiono de Azio-Pacifiko elektis Hanojon, ĉefurbon de Vjetnama Socialista Respubliko, kiel ricevanto de la titolo “ Urbo pro paco”, pro tio, ke tiu disvolviĝanta urbo plenumas la kriteriojn definitajn de UNESKO. La solena ceremonio de publikado de la decido kaj transdono de la premio al la Prezidento de Hanoja Popola Komitato okazis je la 17a de julio 1999 en La Paz, ĉefurbo de Bolivio.
En Hanojo, kelkaj arĥitekturaj konstruaĵoj laŭ eŭropa stilo estis starigitaj je la komenco de la 20-a jarcento. Inter ili menciindas la nuna Granda Teatro, alinome Urba Teatro. Post la Revolucio en aŭgusto 1945, la Urba Teatro honoriĝis esti la kunsidejo de la du unuaj sesioj de la Unua Nacia Asembleo en 1946. Menciindas ankaŭ la placo ĉe la fronto de la teatro, nun nomita Placo de la Aŭgusta Revolucio. Tiu loko estas la startpunkto de la konkero de la urba povo, la unua fazo de la Ĝenerala tutlanda popolleviĝo. Je la 17-a de aŭgusto, kadroj de la Vjet Minh Fronto, subtenataj de la popolo rompis la mitingon de la ĝenerala asocio de projapanaj oficistoj kiun ili transformis en defilado de la revolucia popolamaso. Matene de la 19-a de aŭgusto, la Insurekcia Komitato organizis grandan mitingon, kolektinte enurbajn kaj eksterurbajn loĝantojn por deklari la popolleviĝon. Subtenataj de la popolamaso, la partoprenantoj de la mitingo sturme prenis la Palacon de la Speciala Sendito de la Reĝo, la Urbodomon, la kazernon de la gvardio, malfermante novan sendependan paĝon al la historio de Hanojo.
Krom kelkaj malnovaj tipaj arĥitekturaj konstruaĵoj kiel la Palaco de kulturo Amikeco, la Centro de Internaciaj Kongresoj ĉe No 11, Le Hong Phong strato, ni ĵus finkonstruis la Nacian Kongresan Centron ĉe My Dinh, Tu Liem distrikto. La konstruado komencis je la 15-a de novembro 2004 kaj finiĝis je la 25-a de novembro 2005. La centro ampleksiĝas je sesdek mil kvadratmetrojn kun tri etaĝoj kaj 50 metrojn alteco. La centra domo estas impona kaj moderna konstruaĵo, laŭ ambaŭ ekstera kaj infrastruktura vidpunktoj. La tegmento estis desegnita laŭ ondomovoj simbolantaj sinsekvajn fluantajn ondojn de la Orienta Maro kondukante Vjetnamion al plena integriĝo kun la monda komunumo. La ĉefa kunsidejo havas ĝis 3727 seĝojn. La altranga kunsidejo havas pli ol 600 seĝojn. La ceremonia ĉambrego ampleksas je 21000 kvadratajn metrojn. Estas speciala kunvenĉambro por ŝtatestroj kaj 20 aliaj malgrandaj ĉambroj. Speciale, la gazetoserva loko estas laborejo por 15000 reporteroj. Krome, estas restoracioj, hoteloj kun 11000 kvadratmetroj por servi la kongresanojn. La 14-a APEC plejalta kunveno okaziĝis tie de la 12-a ĝis la 19-a de aprilo 2006.

II. Konservi kaj valorigi la historiajn kaj kulturajn konstruaĵojn
Hanojo, ĉefurbo de Vjetnama Socialista Respubliko, politika, ekonomia, kultura centro, nodo de internacia komunikiĝo enhavas riĉegan kulturan heredaĵon. Tiu-ĉi kulturaj valoraĵoj ludas gravan rolon en la konstruado kaj disvolviĝo de la ĉefurbo pro tio, ke ili estas ligitaj kun homoj, ke ili staras kiel interna forto de la stabila disvolviĝo kaj la bazo de la speciala indenteco de Hanojo, nekomparebla kun iu ajn loko. En la periodo de renoviĝo kaj integriĝo, Hanojo plilarĝiĝas, industriiĝas, moderniĝas sed plene konsciiĝas pri ĝia respondeco konservi sian propran identecon: ĝi devas disvolviĝi harmonie inter moderneco kaj tradicio.
Baldaŭ la 1000 jara jubileo de Thang Long Hanojo okaziĝos en dignoplena, granda, bela, civiliza, moderna Hanojo, kie fiereco pri bela kaj heroa tradicia kulturo esprimiĝas ne nur tra historiaj paĝoj, sed ankaŭ tra konservendaj, restaŭrendaj kaj forte valorigendaj historiaj monumentoj, esprimante la vivforton kaj la identecon de la ĉefurbo, la konkretiĝon de la miljara kultura valoro de la nacio.
Por tion fari, ni devas trakti pri pli da konkretajn kaj realistajn aferojn: Propagandi inter la popolo por ke ĉiuj komprenu la diversajn valorajn aspektojn de la kulturaj kaj historiaj monumentoj kiel ties deveno, ties arĥitekturo, la kredo, la animo... por ke ili memvole protektu la monumentojn. Starigi detalan dosieron de la monumentoj, presi kaj amase disdoni dokumentojn por klarigi kaj komprenigi al ĉiuj tavoloj de la popolamaso por ke oni konsciu pri la neceso samtempe protekti kaj valorigi ilin, kaj konservi la tradician ekzistantan belecon kaj samtempe restaŭri kaj plibeligi la historiajn monumentojn en harmonio kun la natura ĉirkaŭaĵo kaj la hanoja medio. Speciale, la valorigado de la historiaj monumentoj devas atingi la enlandajn kaj eksterlandajn turistojn por gajni respondon kaj helpon de la organizoj por efika ekspluatado.